Instituti Kombëtar i Shëndetësisë Publike në Kosovë (IKSHPK) njoftoi të enjten se 3 persona kanë humbur jetën nga koronavirusi.
Po ashtu, sipas IKSHPK-së, gjatë 24 orëve të fundit janë regjistruar 43 raste të reja me Covid-19.
Në raportin e IKSHPK-së thuhet se edhe 239 pacientë janë shëruar, për një total prej 12.188 të shëruarish.
Që nga fillimi i pandemisë së COVID-19, në muajin mars, në Kosovë janë infektuar gjithsej 14.882 persona, nga të cilët 607 nuk e kanë mposhtur dot virusin./Opinion.al
