Gjithçka filloi me një mesazh anonim, që thoshte: “Përshëndetje unë jam John Doe. A ju interesojnë të dhënat..?”.
Marrësi i mesazhit, reporteri i gazetës gjermane “Suddeutsche Zeitung”, Bastian Obermayer, u përgjigj menjëherë duke i thënë se kishte interes.
Ajo që pasoi ishte pothuajse e paimagjinueshme: “Doe filloi të dërgojë fotografi të 11.5 milionë dokumente, me të dhëna të digjitalizuara të katër dekadave nga një firmë panameze e ligjit që ishte e specializuar në krijimin e kompanive në det të hapur për klientët e pasur”.
Të dhënat që Doe ia dërgoi gazetarëve në vitin 2014 shkaktuan një projekt të veçantë bashkëpunimi në mesin e gazetarëve në mbarë botën. Përpjekja arriti kulmin kur dhjetëra agjenci të lajmeve filluan botimin e artikujve për “Panama papers”, skandal ky financiar ku ishte e përfshirë elita botërore.
Pas më shumë se një viti që nga kontakti i parë me Doe , dy gazetarët gjermanë ende nuk kanë ide se kush është burimi i tyre.
Vala e parë e historive, që dhënia e informacioneve shpjeguese mund të vazhdojë për vite të tëra, ka çuar tashmë në dorëheqjen e kryeministrit të Islandës./Independent
