Ish-deputetja e PD, Orjola Pampuri, ka akuzuar kryeministrin Rama si shkaktarin e gjendjes së rënduar ekonomike të shkaktuar nga pandemia.
Në një status në Facebook, Pampuri thotë se qeverisja e Ramës nuk ka qenë e përqendruar tek mirëqeverisja për njerëzit por tek mbajtja e pushtetit.
Pasojat e pandemisë sipas saj janë rezultat i mos alokimit të fondeve nga qeveria ndërkohë që akuzon kryeministrin Rama se ka manipuluar shifrat e përfituesve të ndihmës ushqimore nga 173 mijë në 400 mijë.
Deklarata e plotë e Orjola Pampurit
Prej me shume se 7 vitesh, Edi Rama nuk u kujdes per nje mireqeverisje, ku te prevalonte hartimi i politikave sociale e ekonomike, hartim strategjish per te vijuar punen e per te ndertuar nje shtet te denje per te qene pjese e BE, por pushteti i tij u perqendrua tek beteja per te mbrojtur deri ne fund trafikantet e kriminelet qe vendoste ne krye te bashkive, drejtorive apo edhe ne parlament, te cilet i sherbejne atij dhe seres se tij. Sigurisht me kete grup nuk kish se si Shqiperia te bente hapa para, pervecse cdo vit te penalizohej me kushte te reja nga BE, duke zbehur shpresen e hapjes se negociatave. Si njeri me personalitet te shumefishte e delirant, nga njera ane maskon sjelljen e tij duke duke u shtirur ne Europe si individ me sjellje perendimore, si i gatshem per te bashkepunuar me nderkombetaret e per te zbatuar cdo reforme ne te mire te zhvillimit te vendit, nga ana tjeter kur e sheh “lakun ne fyt” e humbjen te sigurt, i hedh tej edhe nderkombetaret.
Edi Rama humbi cdo beteje ne keto vite qeverisje.
Ai do te mbahet mend per genjeshtra, per rritjen me te madhe qe ka pesuar borxhi publik, e per keqmenaxhimin e shperdorimin me skandaloz te parave te taksapaguesve shqipetare. Dhe si te mos i mjaftonin shume skandale, mashtrime, korrupsion, shitblerje votash, gjate ketyre viteve ndodhi pandemia dhe termeti, te cilat e renduan me shume situaten e cila rendoi gjendjen ekonomike te shqiptareve.
Pandemia u keqmenaxhua per shkak te mos alokimit te fondeve ne sherbim te saj. Shqiptaret u mashtruan per mbeshtetje financiare dhe ndihma ushqimore. Rama manipuloi shifrat e perftuesve te ndihmes ushqimore; nga 173.000 familje qe perfituan, ai raportoi 400.000 familje perfituese. Edi Rama e perdori pandemine per perfitime personale dhe korrupsion. Ne kete periudhe manipuloi tenderin per furnizimin e rezervave te shtetit kur magazinat ishin plot, e kur pjesa me e madhe e ndihmave ishin nga biznese apo donacione. E njejta histori ndodhi edhe ne periudhen e termetit, ku u be shume show, u dhuruan shume para nga donatore ne ndihme te qytetareve, nderkohe qe u vendos nje minister i zhytur ne korrupsion per t’i menaxhuar, ndaj dhe sot nuk jane hequr ende mbetjet e ndertesave te shembura nga termeti, madje ka familje qe jane rikthyer ne banesat me risk e te shpalluara te pabanuara per shkak se nuk kane asnje alternative tjeter, e jo me te kete rifilluar rindertimi. Kjo qeveri kllounesh tashme, e ka lene vendin ne renie te lire si nga menaxhimi i Covid 19 ashtu edhe nga ekonomia. Ne grahmat e fundit ndryshon rregullat e lojes, leshon BE e SHBA dhe terheq ne gjirin e saj e ben aleance me gastoret, duke ‘u zhveshur” me ne fund nga maskat e farsiteti i dialogut, e tek e fundit duke u kthyer ne origjine, si nje njeri i rendomte, i cili per te mbijetuar mbi zullumet ben pakt me djallin e delenxhinjte. /Opinion.al
