Xhuljano Sollaku, 20-vjeç mbeti i vrarë në Fier në orët e para të ditës së sotme. Ai u qëllua nga forcat e policisë, pasi kishte tentuar të grabiste një banesë bashkë me 3 persona të tjerë. Policia tha se ”grabitësit qëlluan ndaj nesh dhe u kundërpërgjigjëm”. Aty mbeti i vrarë 20 vjecari nga fshati katund i Ri në Elbasan dhe një tjetër u plagos.
Grupet e xhirimeve të televizioneve kanë qenë në shtëpinë e viktimës. Janë momente tronditëse, kur motra sapo ka mësuar lajmin e kobshëm të vrasjes së vëllait.
Xhuliano Sollaku
Xhuljano, ishte fëmija i dytë i Dhimitër dhe Tefta Sollaku nga Katund i Ri, Elbasan. Djali i vetëm i familjes Sollaku nga Katundi i Ri jetonte prej kohësh me motrën e tij në këtë fshat, ndërsa nëna dhe babai ishin emigrantë në Greqi.
Nga ngjarja në fjalë mbeti i plagosur një tjetër person, i cili është jashtë rrezikut në spitalin e Fierit. Arben Muça, 37 vjeç mësohet se është me origjinë nga Puka dhe me banim në zonën e plazhit në Durrës. Ai është i martuar dhe ka tre fëmijë.
Arben Muça
Pas kontrolleve të ushtruara në banesë, në shtëpinë e tij janë gjetur disa dokumente mjetesh të ndryshme, për të cilat ka dyshime se autori është hajdut makinash.
Në kërkim nga policia për këtë ngjarje janë shpallur dy persona, ku njëri besohet se është vëllai i Muçës.
Lexo edhe: Ngjarja e Fierit, policia qëllon grabitesit /Opinion.al
Në video: Momenti i dhimbshëm kur motra mëson për vrasjen e vëllait
