Politikë

Paloka-Ballës: Çfarë di për komunikimet e shefit tënd me Dritan Dajtin?


Bëhu pjesë e Grupit Zyrtar të Opinion.al
>> KËTU <<
               Publikuar në : 21:43 - 08/08/20 |
el ida

Nënkryetari i Partisë Demokratike, Edi Paloka, ka reaguar pas replikës së sekretarit të përgjithshëm të PS-së Taulant Balla në lidhje me një postim të Lulzim Bashës, për vrasjen e 4 policëve, Dëshmorë të Atdheut.

Në një postim në “Facebook”, Paloka mes të tjerave e pyet Ballën pse kërkoi ta heqë vëmendjen nga politikanët që po blejnë lirinë e Dritan Dajtit përmes gjyqtarëve dhe prokurorëve të kapur prej tyre, dhe ka lidhje me tenderat që Dajti po fiton nga burgu,

“Pse i dogji Taulant Ballës reagimi i Lulzim Bashës? Pse kërkoi Balla ta heqë vëmendjen nga politikanët që po blejnë lirinë e Dritan Dajtit përmes gjyqtarëve dhe prokurorëve të kapur prej tyre?

Kë po mbron Taulant Balla dhe pse i intereson kaq shumë lirimi i Dritan Dajtit? Çfarë di ai për komunikimet e shefit të tij me Dritan Dajtin në burg? A ka lidhje me tenderat që Dritan Dajti po fiton nga burgu?

Sa për të tjerat, 7 vite në pushtet kanë qenë të mjaftueshëm për të zbardhur gjithçka lidhet me këtë ngjarje, pas të cilave Taulant Balla kërkon të fshehë krimin e lirimit të Dritan Dajtit dhe rivrasjen për së dyti të 4 oficerëve të policisë.

Ndarja e politikës nga krimi, duke nisur me Taulant Ballën dhe goditja pa mëshirë e krimit të organizuar është detyrimi ynë më i madh. Drejtësia do të bëhet!”, shkruan Paloka.

Kujtojmë se më herët, kryetari i Partisë Demokratike, Lulzim Basha ka kujtuar 4 efektivët e Policisë të vrarë në krye të detyrës nga Dritan Dajti. Përmes një postimi në “Twitter”, Basha shkruante se “Dëshmorët e Atdheut” po rivriten nga qeveria ortake e krimit të organizuar dhe nga drejtësia e kapur, pasi gjatë këtyre 7 viteve në koordinim me narkoqeverinë janë kryer të gjitha skemat për të blerë lirimin e Dajtit.

Pas këtij postimi, reagoi Balla, i cili tha se dora kriminale e lidhur me Lulzim Bashën në zgjedhjet e 2009, u mbështet nga “komandanti” policisë që tradhtoi dëshmorët./Opinion.al

Pas