Politikë

Paketa fiskale 2022, PD: Klienteliste, përfitojnë vetëm PPP-të


Bëhu pjesë e Grupit Zyrtar të Opinion.al
>> KËTU <<
               Publikuar në : 11:27 - 14/11/21 |
Opi Nion

Partia Demokratike ka reaguar lidhur me paketën fiskale për vitin 2022. Nënkryetarja e kësaj partie, Jorida Tabaku, thotë se paketa fiskale është klienteliste dhe kundër biznesit, pasi sipas saj favorizon kompanitë e mëdha.

Nëpërmjet një postimi në rrjetet sociale, Tabaku shkruan se nga kjo paketë goditet biznesi i mesëm djhe ai i vogël, në një kohë kur qeveria ul taksat për bizneset me fitim më të madh.

Sipas Tabakut, paketa fiskale për vitin 2022 do të përfitojnë vetëm PPP-të.

Postimi i Tabakut

Paketa fiskale 2022 është paketa më klienteliste dhe anti biznes!

Qeveria është angazhuar edhe një herë për të shkruar një politikë fiskale që favorizon oligarkët dhe bizneset e tyre në kurriz të sipërmarrjes.

Në Paketën Fiskale qeveria do të favorizojë përmes përjashtimit nga TVSH-ja importet e makinerive dhe pajisjeve të realizimt të kontratave, bizneset që kanë mbi 500 mln lekë duke hequr perjashtimin per biznese deri ne 50 mln leke duke dënuar me falimentim bizneset e mesme dhe ato të vogla.

Nga ky përjashtim fitojnë vetëm koncesionarët e mëdhenj të rrugëve me PPP.  Kjo quhet kapje e shtetit dhe kjo quhet vendimarrje me porosi.

Kjo është vendimarrje me standart të dyfishtë, thonë do heqim përjashtimet nderkohë përjashtojnë vetëm të mëdhenjtë.

Më tej e njëjta mazhorancë që po i ul taksat oligarkisë dhe vetes së saj duke minuar dhe shkatërruar tregun e lirë, ka vendosur një akcizë për gazin e ngrohjes dhe gatimit.

Janë mbi 80% e familjeve që gjetën shpëtimin tek gazi për ngrohje dhe gatim kur çmimi i energjisë u rrit pas ardhjes në pushtet të qeverisë Rama.

Shqipëria 2022 do të ballafaqohet me paketën më kienteliste që është aplikuar ndonjëherë në Shqipëri. Shqiptarët që janë mbi 30% të varfër në nivelin më të ulët të varfërisë do të paguajnë./ Opinion.al

Pas