Armando Sadiku duket sulmuesi më në formë i Kombëtares në prag ndeshjeve kualifikuese të botërorit që do të luhen në shtator. Ai shënoi në fitoren 2 – 1 të Legia ndaj Zaglebie Lubin në kampionatin polak. Javë pa gola për sulmuesit e tjetër të grumbulluar nga Christian Panucci për takimet me Lihtenshtejnin dhe Maqedoninë.
Në këtë repart është edhe një afrim i ri Valon Ahmedi, i cili më shumë se në kampionatin slloven është aktivizuar në kualifikueset e Champions League me Maribor. Mesfusha ka lojtarë si Jahmir Hyka që ka shumë minuta të luajtura, pasi në Shtetet e Bashkuara të Amerikës luhet edhe gjatë verës dhe si Ledian Memushaj, i cili ka zhvilluar vetëm miqësore.
Në mbrojtje një pjesë e mirë e futbollistëve janë në fillim të aktivitetit me kapitenin Ansi Agolli që ka luajtur edhe në kualifikueset e Champions League përveç kampionatit. Në grumbullim do të jenë edhe dy të rinj, Hysen Memolla dhe Ivan Balliu. Në portë kthehet Etrit Berisha dhe mbetet që Christian Panucci të zgjedhje mes tij dhe Thomas Strakoshës.
Tv Klan
