Presidenti i Republikës dorëzoi sot kallëzimin penal në SPAK për ministren e Drejtësisë, Etilda Gjonaj, Sekretarin e Përgjithshëm të Ministrisë së Drejtësisë, Gentian Deva dhe, Drejtoren e Qendrës së Botimeve Zyrtare, Etleva Haxhia.
KLIKO KËTU PËR TË LEXUAR TË PLOTË PADINË
Në kallëzimin e dorëzuar presidenti akuzon ministren Gjonaj për shpërdorim detyre, ushtrim të ndikimit të paligjshëm ndaj personave që ushtrojnë funksione publike, falsifikim dokumentesh dhe përvetësim të titullit apo detyrës shtetërore.
Sipas presidentit, ministrja ka urdhëruar lejuar botimin në Fletoren Zyrtare të një akti të pabotueshëm. Në mënyrë aktive ajo ka synuar marrjen e një kompetence të Presidentit të Republikës për emërimin e anëtarit të Gjykatës Kushtetuese madje duke falsifikuar aktin që i hap rrugë botimit të vendimit të KED në Fletoren Zyrtare. Të gjitha këto sipas padisë së presidentit Meta nuk përbëjnë thjeshtë shkelje të ligjit por dhe cënim të interesave kombëtarë dhe të institucionit të Kuvendit.
Sekretari i Përgjithshëm i Ministrisë së Brendshme, Gentian Deva akuzohet për të njejtat vepra penale ashu si ministrja Gjonaj. Presidenti argumenton se ata në bashkëpunim kanë vepruar për ti marrë atij kompetencën kushtetuese të emërimit të anëtarëve të gjykatës Kushtetuese dhe nëpërmjet një zinxhiri veprimesh kanë shkelur ligjin duke botuar në Fletoren Zyrtare një akt të pabotueshëm dhe jashtë kompetencës së tyre.
Ndërkaq, drejtoresha e QBZ, Etleva Haxhia akuzohet vetëm për shpërdorim detyre pasi sipas kallëzimit të dotëzuar nga Presidenti në SPAK, ajo e ka pranuar edhe vetë se ka botuar një akt të pabotueshëm, që nuk ishte përcjellë nga organi që e kishte nxjerrë dhe pa administruar sipas ligjit kopje origjinale të këtij akti. /Opinion.al
