Pasi shumë aktore të famshme e treguan për abuzimet seksuali të producentit Harvey Weinstein edhe Akademia e Arteve dhe Shkencave, organizatorja e çmimeve “Oscar” vendosi përjashtimin e tij nga bordi drejtues. Ndërsa i vëllai e përshkroi Harvey Weinstein si “të sëmure nga trutë”.
“Nuk e kisha idenë se deri ku shkonin veprimet e tij”, pretendon vellai i tij Bob Weinstein.
Në shpjegimin që Akademia i bëri vendimit të saj thuhet se, “epokës së injorancës kokëforte dhe bashkëpunimit të paturp në sjelljen e agresionit seksual apo ngacmimit në vendin e punës i ka ardhur fundi në këtë industri”.
Me rrëfime për njeriun i cili tronditi hollywoodin, nga ku rezultoi të ishte ne kufijtë e një maniaku seksual Opinion.al sjell një përmbledhje me detajet që rrëfejnë femrat e famshme dhe jo të famshme të abuzuara prej tij.
Angelina Jolie dhe Gwyneth Paltrow kanë rrëfyer për ‘New York Times’ se disa herë janë shqetësuar seksualisht nga Weinstein.
Shumica e tyre kanë treguar se 65-vjeçari i ftonte në dhoma ose u kërkonte që t’i dërgojnë fotografi nudo, ndërsa shfrytëzonte çdo mundësi që t’i prekte dhe të abuzonte seksualisht me to.
Producenti ka keqtrajtuar më shumë aktoret e reja në fillimet e karrierës së tyre, ndërsa shumica prej tyre i kanë bërë publike në media rrëfimet e tyre.
Në vitin e kaluar, Rose McGowan kishte shkruar në Twitter se Weinstein e kishte përdhunuar. “Imagjinojeni mbi ju madhësinë e tij dhe fytyrën monstruoze. Në një moment jeta juaj nuk është e juaja. Ju është vjedhur”, kishte thënë aktorja McGowan.
Ndërsa aktorja britanike, Sophie Dix, ishte 22 vjeçe kur producenti e kishte ftuar në dhomën e tij të hotelit për të parë disa skena të filmit, në të cilin punonin bashkë.
“Kur po shkoja atje e kuptova se kisha bërë gabim të madh. Më tregoi të pasmet e tij të mëdha, gjë që ishte e neveritshme. Pastaj u përpoq të më zhvishte dhe të më shtrinte në dysheme, ndërsa unë vetëm bërtisja që të ndalej. Megjithatë, ishte shumë i dhunshëm. U çua, i hoqi pantallonat dhe u nis të shtrihej mbi mua. Në atë moment i mblodha fuqitë, i thash vetes se jam e fortë, ika në banjë dhe u mbylla. Qëndrova aty për një kohë derisa u qetësua, u nisa të dal, por e pashë duke masturbuar në dysheme. Menjëherë, u mbylla sërish dhe kam dalë një ditë më pas kur shërbëtoret e pastruan dhomën”, ka treguar Dix.
Modelja dhe aktorja Cara Delevingne është një tjetër yll që bën pjesë në listën e bukurosheve të famshëm që janë ftuar në dhomën e hotelit të producentit: “Në dhomë ishte edhe një femër tjetër. Kërkonte që ne të putheshim me njëra-tjetrën, ndërsa ajo i ndiqte instruksionet e tij. Menjëherë u çova dhe i thash se më duhej të shkoja. U përpoq të më puthte teksa largohesha, por ia dola të shmangesha”, ka deklaruar Delavigne.
Aktorja nga filmi “Boys and Girls”, Claire Forlani, kishte ikur disa herë nga producenti i famshëm. “Më tregonte se me sa aktore ka fjetur dhe se çfarë iu kishte bërë”, ka thënë Forlani.
Po ashtu Kate Beckinsale ka qenë viktimë e abuzimit seksual nga Ëeinstein kur ishte vetëm 17 vjeçare. Aktorja franceze, Florence Darel, ka thënë për Le Parisien se Weinstein e kishte abuzuar seksualisht gjatë xhirimeve të filmit “Fausto” në vitin 1993. “Me tha se isha atraktive dhe se donte të ishte në lidhje me mua. I thashë se isha shume dashuruar me të dashurin tim të atëhershme, ndërsa ai më tha se dëshironte që të më kishte dashnore për disa ditë të vitit, në mënyrë që ta vazhdonim bashkëpunimin tonë në Amerikë”, ka rrëfyer Darel.
Aktorja britanike Lysette Anthony deklaroi se Weinstein e ka sulmuar në shtëpinë e saj, në fundin e viteve ’80, një episod që i ngjalli neveri dhe e la thellësisht të tronditur, ndërsa një grua që ka preferuar të ruajë anonimatin thotë se është përdhunuar nga producenti në vitin 1992, kur punonte në zyrat e kompanisë së tij të filmit në Londër. Mbi 16-të ish punëtore të Ëeinstein, po ashtu, kanë thënë se kanë qenë dëshmitare të abuzimeve të tij.
Pas të gjithë akuzave, producenti e ka pranuar çfarë ka bërë, por ka thënë se gjërat e tilla kanë qenë normale në vitet e gjashtëdhjetë dhe të shtatëdhjetë. /Opinion.al
