Misioni vëzhgues i Zyrës së OSBE-së për zgjedhjet vendore, në Tiranë, ka dhënë gjetjet paraprake për 30 qershorin. Shefja e misionit të OSBE në Shqipëri Audrey Glover u shpreh sot në një deklaratë për media se misioni i OSBE nuk ka ardhur me një axhendë të paracaktuar dhe se vendimi i tyre është totalisht i paanshëm.
Sipas saj zgjedhësit nuk patën mundësi reale për të zgjedhur në këto zgjedhje dhe ngërci politik ndikoi në krijimin e një situate pasigurie juridike dhe sociale.
“Ne vëzhgojmë të gjithë procesin zgjedhor sepse ajo që ndodh para ditës së zgjedhjeve është po kaq e rëndësishme sa ditën e zgjedhjeve, dhe më pas. Ne jemi këtu pa ndonjë axhendë të fshehtë. Ne jemi plotësisht të paanshëm dhe lënë faktet të flasin për veten. Neve nuk na intereson kush i fiton zgjedhjet, ne i vlerësojmë ato në bazë të përputhshmërisë me angazhimet e OSBE. Zgjedhjet e 30 qershorit u mbajtën pa marrë parasysh interesat e elektoratit. Opozita vendosi të mos marrë pjesë, ndërsa qeveri që e vendosur ti mbajë këto zgjedhje pa opozitën. Në këtë klimë ngërçi politik, zgjedhësit nuk patën ndonjë mundësi reale për të zgjedhur. Në 31 bashki, kandidatët për kryetarë bashkie garuan pa kundërshtarë. Pati pretendime të besueshme nga qytetarët se ishin në presion nga të dyja palët. Përplaset politike çuan në pasiguri juridike, shuam vendim të administratës zgjedhore u morën duke pasur si objektiv garantimin e këtyre zgjedhjeve. Ajo që ishte pozitive ishte se votimi u zhvillua në mënyrë të qetë dhe paqësore” tha Glover. /Opinion.al
