Një 30-vjeçar i kërkuar nga autoritetet italiane është arrestuar nga Policia e Lezhës. Bëhet fjalë për Gëzim Gjinin, 30 vjeç.
Ai akuzohet se ka organizuar vrasjen e kunatit, bashkëshortit të motrës, ngjarje e ndodhur në Itali më 13 Dhjetor të vitit të kaluar.
Vrasja është kryer me mjet prerës, në Rocca Priora, Itali, më datë 13 dhjetor 2022.
“30-vjeçari fshihej në vendin tonë, pasi autoritetet gjyqësore italiane i kishin caktuar masën e sigurisë “Arrest në burg”, për vrasje. Shtetasi G. Gj. akuzohet se është organizator i vrasjes së bashkëshortit të motrës së tij, shtetasit P. C., vrasje e kryer me mjet prerës, në Rocca Priora, Itali, më datë 13.12.2022, në bashkëpunim me 2 shtetas të tjerë”, njoftoi policia.
I riu u kap në një lokal në aksin rrugor Lezhë-Milot.
