Deputetët e opozitës po qëndrojnë jashtë godinës së Kuvendit, pasi garda nuk i lejon të hyjnë Brenda, për shkak të përjashtimit të tyre nga Komisioni e Etikës.
Nënkryetari i Partisë Demokratike, Agron Gjekmarkaj, nuk përjashtoi mundësinë e ngujimit në sallën e parlamentit.
Në një prononcim për mediat, ai tha se “po dha urdhër partia këtu nuk ka shtet”.
“Po dha urdhër partia këtu nuk ka më shtet. Ka një parti që pretendon se është shtet dhe shteti parti. Ne do rezistojmë, do bëjmë gjithçka që kemi fuqi për ta bërë pa denatyruar vetveten, pa dalë jashtë logjikës demokratike, por duke shkuar tek mosbindja civile”, tha deputeti i PD.
I pyetur nëse do të shkojnë drejt ngujimit në Parlament, Gjekmarkaj tha: “Çdo mundësi që na hap rrugë ndërgjegjia për ti shërbyer këtij vendi ne do ta shfrytëzojmë”.
