Që në seancën e parë “opozita e re” votoi pro të gjitha projektligjet e qeverisë. Alban Zeneli nga PD nuk votoi asnjë nga nismat në rëndin e ditës, ndërkohë që Lefter Koka dhe Ligoraq Karamelo nuk ishin të pranishëm gjatë votimit.
Deputetët që dolën nga lista e LSI kanë votuar nisma e qeverisë, ndërkohë që i vetmi që është diferencuar ka qenë Ylli Shehu, ky i fundit në çdo nismë ka votuar kundër.
Të vetmin projektligj që e votuan të gjithë pa përjashtim ishte nisma që synon të përmirësojë kushtet e konvikteve.
“Projektligji ‘Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për bashkëpunim financiar 2017, për projektin “Programi për rinovimin e konvikteve në kampusin universitar të Tiranës, sipas parimit të efiçencës energjetike, faza III’”mori sot 85 vota pro dhe asnjë kundër.
Parlamenti sot numëron 93 deputetë, por dy deputetë të tjerë pritet të hyjnë pasi Ralf Gjoni dhe Nimet Musaj nga LSI kane dorëzuar tashme formularin e dekriminalizimit./Opinion.al
