I pyetur nga gazetari Blendi Fevziu, lidhur me hetimin rreth çështjes CEZ, Ministri i Drejtësisë Ylli Manjani, u shpreh se vetëm Prokuroria Shqiptare mund të hetojë çështje të brendshme.
Ja cila ishte përgjigja e plotë e Manjanit:
Ende nuk ka një përgjigje ligjore mbi Çështjen e CEZ që duhet ta bënte prokuroria. Ndoshta është ende në proces. Unë kam qenë përkrahës i një hetimi mbi autoritetet shtetërore.
U votua kundër hetimit ndërkombëtar sepse ishte mënyrë e gabuar pasi ne kemi një kushtetutë që thotë se vetëm Prokurori i Republikës mund të hetojë çështje të brendshme.
Askush nuk e morri përsipër, as SHBA nuk shprehu gadishmërinë, nuk tha që prokurorët tanë do hetojnë. Nuk patë ofertë reale, konkrete, ndaj ngeli në kuadër të debatit politik.
Aftësinë për ta hetuar e ka prokuroria shqiptare por ngeci besueshmëria që ne kemi ndaj prokurorit, përpara se ai të flasë.
Po të të qepen prokurorët tanë, të zbërdhejnë dhëmbët. Ka një dosje hetimi që zgjerohet dita ditës.
Unë besoj që Prokuroria shqiptare e ka gjithë kapacitetin infrastrukturor, njerëzor që ta hetojë këtë çështje.
