Të mërkurën në mbrëmje, në studion e “Opinion” ishin të ftuar të rinjtë e PD dhe PS.
Fokus te parafushata elektrorale në Shqipëri. 6 të rinj që kanë aspirata politike për të qenë pjesë e dy partive të mëdha politike. Emisioni i parë i një serie emisionesh që fokusohet te grupet që përfaqësojnë një lloj risie në raport me zgjedhjet sepse shumë prej tyre janë të angazhuar në politikë që në moshë të hershme.
Të ftuar: Helena Halilaj, Persida Shkrepa, Jola Hysaj, Tedi Kopliku, Diogjen Kolici, Laert Vasili
Gjithashtu në pjesën e parë të emisionit “Opinion” ishte në studio babai i Martin Canit. “Për Martinin”, babai i 14-vjeçarit të vrarë tek “Fan Noli” bëri publike “GoFundMe”
Gjatë fjalës së tij, Cani ka bërë publike një “GoFundMe” ku do të ndihmohet familja dhe po ashtu do të shërbejë për fondacione në të ardhmen edhe për fëmijët që kanë të njëjtën ëndërr që kishte Martin Cani, sportin.
Në pjesën e dytë të emisionit “Opinion”, në shenjë ngushëllimesh për besimtarët ortodoksë për humbjen e kryepeshkopit Janullatos, në një lloj homazhi, sjellim një material. Vetëm 7 minuta larg rrethrrotullimit të TEG-ut ndodhet një prej objekteve të trashëgimisë kulturore më të rëndësishme në Shqipëri, manastiri i Shën Gjon Vladimirit. Një kishë fillestare e ndërtuar në vitin 1008 që këtë formë e ka marrë më 1380 nga Karl Topia. Gjon Vladimiri ishte një prej martirëve të kishës ortodokse që u vra në Ohër. Sipas gojëdhënës ai mori kokën e tij të prerë dhe e vendosi në atë vend ku sot ndodhet Shën Gjon Vladimiri, manastiri, pjesë e së cilës është kisha. Brenda kishës ruhen edhe eshtrat e shenjtorit, një pjesë ndodhen në Tiranë, ndërsa një pjesë në manastirin e Shën Gjon Vladimirit. Një prej objekteve të rralla të trashëgimisë kulturore shqiptare, një prej objekteve të rralla religjioze dhe vend i shenjtë për besimtarët ortodoksë.
