Të martën 16 janar 2024 në emisionin “Opinion” u trajtua tema “Sytë e shpirtit”, historia e pabesueshme e holandezit në Shqipëri!”.
Në pjesën e parë të emisionit “Opinion” në Tv Klan, është transmetuar dokumentari i realizuar nga Blerina Gjoka, me mbështetje të Ambasadës Holandeze në Tiranë.
Është një histori, gati-gati e pabesueshme, një histori që rikthehet thuajse 32 vite më pas. Dokumentari titullohet “Sytë e Shpirtit” dhe i dedikohet Paul Luijf, një okulist holandez dhe Osman Kazazi, i quajtur edhe si “Nelson Mandela” i Shqipërisë.
Në dokumentar, vijnë gjithashtu dëshmitë e gazetarit holandez Joop Holthausen, i cili shkroi për herë të parë historinë e Kazazit dhe këngëtarit të njohur Stef Bos. Gazetari holandez u shpreh gjatë dokumentarit se kur erdhi për herë të parë në Shqipëri, u habit shumë nga varfëria që kaplonte vendin tonë.
Në pjesën e dytë të emisionit ka qenë e ftuar Blerina Gjoka, autorja e dokumentarit.
Ndërsa në pjesën e tretë është transmetuar historia e një lideri komunist të quajtur Pol Pot. Pol Pot ishte lideri i Kamboxhias komuniste.
