Të martën, më 21 maj 2024 në emisionin “Opinion” u trajtua tema “Si vërtetohen me video, përgjimet e SPAK!”
Edhe në këtë episod të emisionit ishte në qendër të vëmendjes hetimet që po kryen SPAK. 50 urdhër-arreste u lëshuan javën e kaluar por vetëm disa anëtarë të grupeve të krimit ndodhen pas kangjellave të burgut, një pjesë e mirë e tyre janë larguar jashtë vendit në përpjekje për t’i shpëtuar drejtësisë.
Bëhet fjalë për 18 ngjarje në total prej të cilave 14 janë ngjarje të mirëfillta kriminale. Hetim e fundit të SPAK përbën një nga dosjet më të thella dhe më të zbardhura të cilat kanë hedhur dritë mbi shumë ngjarje që tronditën mbarë opinion publik.
Vrasje me pagesë apo bashkëpunime mes grupeve kriminale për të asgjësuar kundërshtarin janë zbuluar përmes mesazheve që bosët e krimit u kanë dërguar njëri-tjetrit përmes aplikacioneve “Sky ECC” dhe “EncroChat”.
Të ftuar për pjesën e parë: Artan Hoxha dhe Glidona Daci.
Në pjesën e dytë të emisionit u trajtua tema “Urdhër arresti për kryeministrin e Izraelit!”
Prokurori i Posaçëm Karim Khan i Gjykatës Ndërkombëtare të Krimeve të Luftës në Hagë ka nxjerrë mandat-arreste për kryeministrin e Izraelit Beniamin Netanyahu, ministrin e mbrojtjes së Izraelit dhe për tre liderë të tjerë të Hamasit. Çfarë do të ndodhë nëse trupi gjykues pranon kërkesën e prokurorit? Cilat janë shtetet që mund t’i dorëzojnë këta liderë në Hagë? Këto pikëpyetje u diskutuan me Arlind Ahmetaj dhe në një lidhje direket Rudina Jasini.
Ndërsa në pjesën e tretë ishte Elvis Toçi, presidenti i Federatës Shqiptare të Skive. Ai tregoi gjithë aventurën e tij grupim entuziastësh të skive në një federatë profesionale. Ai do të tregojë rrugëtimin e tij disa vjeçar të përvojës së tij./Opinion.al
