Të hënën, më 13 mars në emisionin “Opinion” u trajtua tema “Rama për Greqinë dhe emigrantët!”
Në fokus ishte vizita e kryeministri Edi Rama dhe fjalimi i tij në Athinë përpara emigrantëve, një çështje që nga normale u kthye në një debat midis dy palëve, Shqipërisë dhe qeverisë greke si dhe në qendër të vëmendjes më shumë për arsye të shtypit grek sesa vetë angazhimit të emigrantëve.
“Opinion” ka arritur të marrë një intervistë prej 45 minutash, është një intervistë e plotë ku ka folur për turin e Greqisë. Intervista është marrë pasditen e së dielës, menjëherë pas përfundimit të fjalimit.
Në pjesën e dytë të emisionit drejtuesi i emisionit Blendi Fevziu kishte një interviste me drejtorin Operacional të Aeroportit të Tiranës, Piervittorio Tarabi, i cili nënvizon se po shërben si aeroport rajonal për Maqedoninë, Kosovën, Malin e Zi dhe Greqinë e veriut për arsye të shumë destinacioneve që ka.
Në pjesën e tretë, ishte Lumir Abdixhiku, kryetar i LDK-së. Një prej politikanëve më të rëndësishëm të Kosovës sot, vazhdues i partisë së Ibrahim Rugovës, partia e parë postkomunise në të gjithë Europën Lindore ka dhënë një intervistë në të cilën flet për zhvillimet në Kosovë, raportet me qeverinë Kurti dhe për pritshmëritë që partia ka në ditët në vijim. /Opinion.al
