Të hënën, më 6 maj 2024 në emisionin “Opinion” u trajtua tema “Pikëpyetjet e tragjedisë së Shkodrës!”
Shkodra u trondit nga një tragjedi e rëndë ku një nënë e re i dha fund jetës së saj në mënyrën më tragjike të mundshme, duke marrë me vete dhe 3 fëmijët e saj të mitur.
Ky rast që shokoi mbarë opinionin publik në Shqipëri ishte në fokurs të emisionit “Opinion” në TV KIan, me të ftuar në panel: Valbona Treska psikologe, Atiola Hoxha mjeke psikiatrie, pastor Paulin Vilajeti, Neki Kaloshi teolog, Mentor Kikia gazetar, Merin Maçi gazetar, Mirgit Vataj kryetar i Urdhrit të Punonjësve Socialë.
Në lidhje live, ministri i Brendshëm, Taulant Balla dhe Drejtori i Policisë së Shkodrës, Edmond Sulaj.
Në pjesën e tretë të emisionit i ftuar, Ali Ahmeti, kryetar i BDI-së, një prej partive më të suksesshme në historinë europiane, jo vetëm të Ballkanit. Ai fiton zgjedhjet mes forcave shqiptare që prej vitit 2002. 20 vjet në pushtet nga 22 vite që ka dominuar skenën politike të Maqedonisë së Veriut, Ali Ahmeti po garon në këto zgjedhje me idenë të një Maqedonie europiane. Por cilat janë sfidat e tij?/Opinion.al
