Studioja e emisionit “Opinion”, të Enjten u mbush me 10 personazhe mjaft interesantë. Ashtu siç e do tradita e emisionit, këtë herë janë përzgjedhur 11 personazhe për vitin 2024.
“Përzgjedhja ka kriter strikt, mbi bazën e reagimeve në rrjetet sociale, në bazën e aktiviteteve që kanë pasur, të fushave të ndryshme. Zakonisht mundohemi të shmangim fushën e politikës. Vijnë nga të gjitha trojet shqiptare dhe janë të spikatur”, sqaroi Fevziu para se të prezantonte secilin prej tyre.
Të ftuar: Shkurte Fejza, Arjeta Puca, Sabina Kodra, Robert Radoja, Lindita Taipi, Talat Xhaferi, Igli Hasani, Kastriot Aliko, Skënder Haklaj, Fidel Ylli, Albertina Jace.
Bëhet fjalë për:
Arjeta Puca
Personazh i vitit 2024 për krijimin e makinës së parë ushtarake të blinduar “Shota”, Made in Albania.
Sabina Kodra
Personazh i vitit 2024 për filmin “Pikë Uji” që është zgjedhur si përfaqësues i Shqipërisë në çmimet Oscar dhe për persistencën në kinematografinë shqiptare.
Aeroporti Ndërkombëtar i Tiranës “Nënë Tereza” (institucion)
“Personazh” i vitit 2024 për pasagjerin e 10 miliontë dhe për mbajtjen e premtimit për ta bërë aeroportin më të madh në Ballkanin Perëndimor.
Shkurte Fejza
Personazh i vitit 2024 për 50-vjetorin e karrierës dhe dy recitalet e mbajtura në Prishtinë e Tiranë.
Lindita Taipi
Personazh i vitit 2024 për përkushtimin ndaj komunitetit dhe sakrificat e saj.
Robert Radoja
Personazh i vitit 2024 për karrierën shumëvjeçare.
Kastriot Aliko
Personazh i vitit 2024 për përkushtimin ndaj komunitetit dhe sakrificat e tij. (mësues)
Talat Xhaferi
Personazh i vitit 2024 për zgjedhjen si kryeministri i parë shqiptar në Maqedoninë e Veriut.
Skënder Haklaj
Personazh i vitit 2024 si një nga nismëtarët e dosjes që mundësoi që “K’cimi i Tropojës” të bëhet zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO.
KOKSH (Komiteti Olimpik Kombëtar Shqiptar) institucion
Personazh i vitit 2024 për dy medaljet e para olimpike të Shqipërisë.
Igli Hasani
Personazh i vitit 2024 si zyrtari i parë shqiptar që mori mbështetje të gjerë në kandidaturën si Sekretar i Përgjithshëm i OSBE.
