Të enjten në emisionin “Opinion”, fokus i diskutimeve ishin dosjet e SPAK dhe 5 vitet e para të punës të këtij institucioni.
Fokus në 5 vitet e SPAK, dosjet më të nxehta, çfarë ka sjellë në politikën shqiptare dhe mbi të gjitha, dosjet e nxehta që priten të jenë në vijim. Sa do të ndikojnë vendimet e SPAK, majtas dhe djathtas në zgjedhjet e 11 majit 2025?
Të ftuar: Klodiana Lala, Eni Ferhati, Artan Hoxha, Baton Haxhiu, Ivi Kaso, Prec Zogaj
E ftuar në studion e “Opinion” ishte edhe Florina Cani, nëna e 14-vjeçarit të vrarë 1 muaj më parë nga një bashkëmoshatar i tij.
Me dhimbje të thellë, por me buzëqeshje në buzë; kështu e ka nisur rrëfimin Florina Cani, nëna e 14-vjeçarit, Martin Cani.
Buzëqeshjen ja ka dedikuar djalit të saj, teksa ka thënë: Martin ti je lart, na shikon dhe unë të dua pafund. Ti je i buzëqeshur dhe unë do të buzëqesh si ti.
Në pjesën e fundit të emisionit “Opinion”, historitë e së enjtes. Një prej kompanive të para të pllakave, hidrosanitareve e më pas çdo lloj mobilimi, “Brunes”. Rrëfimi i rrallë i Geron Çelës, një nxënës i Shkollës Tregtare të Vlorës që e nisi duke qepur pantallona ilegal në Shqipërinë e fundviteve ’80 dhe ndërtoi një perandori të madhe të mobilimit etj, që festoi edhe 30-vjetorin. Ai solli edhe makinën e tij të parë qepëse që siç shprehet, babai ia bleu për të pasur një profesion e prej saj ka ndërtuar një perandori të madhe.
