Emisioni “Opinion” në Tv Klan, mbrëmjen e sotme, më 22 prill, u përqendrua tek intervista me kryetarin e Akademisë së Shkencave, Skënder Gjinushi.
Ai bëri një panoramë të jetës së tij që nga vitet e para të fëmijërisë e më tej, në lidhje me shkollimin e tij në degën e matematikës dhe studimet në Paris, Francë, si një përfaqësues i shkencave ekzakte për të marrë dijet më të avancuara, me të cilat Shqipëria e asaj kohe nuk ishte njohur. Më tej, ai foli për të gjitha stadet e karrierës së tij, në politikë dhe së fundmi si akademik. Intervista u ndal përgjithësisht tek çfarë u bë mirë dhe çfarë u bë keq në këto 36 vite demokraci.
