Të hënën, më 20 maj 2024 n emisionin “Opinion” u trajtua tema “E bujshme, si porositeshin vrasjet mes bandave?”
SPAK ka nxjerë një numër të madh urdhër-arrestesh, për më shumë se 50 persona. Është bërë e mundur zbardhja e një serie ngjarjesh kriminale një pjesë e të cilave janë diskutuar në shumë televizione, por një pjesë e mirë e tyre vazhdojnë të qëndrojnë mister.
Grupet kriminale nga SPAK janë kapur jo nëpërmjet dëshmive por nëpërmjet mesazheve në kohë reale në aplikacioni “Sky”.
Të ftuar: Klodiana Lala, Spartak Koka, Fatjona Mejdini, Besfort Lamallari.
Ndërsa në pjesën e dytë dhe të emisionit ishte në një intervistë arkitekti Asher Abehsera, i cili ka treguar projektin e plotë për Sazanin dhe Zvërnec. Së bashku me një grup investitorësh, Affinity Partners, përfshirë edhe dhëndrin e presidentit Donald Trump, Jared Kushner, arkitekti pretendon se ky projekt do ta kthejë ishullin në një nga destinacionet më të bukura turistike në Mesdhe. Ai tregoi fotot dhe projektin e plotë duke thënë se përveç projektit edhe financimi është gati, mungon vetëm konfirmimi nga Shqipëria.
