Emisioni “Opinion”, këtë të martë, më 2 qershor, trajtoi sërish çështjen e Zvërnecit. Sot është zhvilluar dita e tretë e protestës së qytetarëve, e cila vijon të jetë masive dhe kryesisht e pandikuar nga partitë politike. Këto dy ditët e fundit, gjatë protestës është artikuluar edhe kërkesa për dorëheqjen e kryeministrit Edi Rama. Ky i fundit ka bërë së fundmi një postim, ku i fton protestuesit në një takim për të diskutuar mbi problematikën e ngritur.
Tema e diskutuar me panelin e të ftuarve sot ishte kryesisht nëse, në rast të heqjes dorë nga projekti i Zvërnecit, protesta do të shuhet apo do të vijojë deri në dorëheqjen e kryeministrit. Gjithashtu, u diskutua mbi mundësinë e përfshirjes së faktorëve politikë në vijimin e protestës dhe sa mund të rezistojë një protestë pa një organizim të mirëfilltë.
Të ftuarit ishin: Ornela Çuçi, Arsejda Gjyli, Alban Bala, Arbër Hitaj, Artan Hoxha dhe Osman Stafa.
