Të enjten, më 30 maj 2024 në emisionin “Opinion” ishte i ftuar ministri i Brendshëm Taulant Balla.
Një dosje e çuar nga SPAK policisë dhe një hetim që përfshinte një seri grupesh kriminale të përmbledhur në 18 episode, 15 prej të cilave konsideroheshin incidente mjaft të rënda të botës së krimit ka rihapur problematikën e asaj që quhet bota nëntokësore e krimit, një botë që në mesazhet e dosjen paraprake të SPAK rezulton që ka një histori të frikshme që nuk e shohim, por që është prezente dhe tregon lidhjet me botën e politikës dhe Policinë e Shtetit. Çfarë po ndodh me krimin në Shqipëri?
Në pjesën e parë dhe të dytë të emisionit ishte Ministri i Brendshëm Taulant Balla përballë gazetarëve Spartak Koka e Eni Ferhati, flitet për të gjitha këto si edhe për angazhimin e policisë gjatë sezonit veror. Disa nga pikat që diskutohen janë: -Rezoluta antikorrupsion dhe a është një tentativë për të frenuar SPAKun? -Akti i dhunës ndaj avokatit Sokol Mëngjesi -Gjobvënia nga përfaqësues të policisë -Përfshirja e policisë në krim -Deklarata e SPAK që akuzon një pjesë të policisë për lidhje me botën e krimit -Dubai dhe ekstradimet që po kthehen në një burg të hapur -Policia dhe turizmi -Policia rrugore -Ndërtimet pa leje -Zhurmat në vijën bregdetare
Në pjesën e tretë, historia e të enjtes ku Karl Zeiss, një prej kompanive më të mëdha të optikës në botë ka vendosur që samitin e parë të saj të Evropës lindore ta zhvillojë jashtë Gjermanisë. Është i pari samit që ndodh jashtë Gjermanisë dhe është zgjedhur Shqipëria. Pse është zgjedhur Shqipëria? Shefi i shitjeve globale të Karl Zeiss Vision, ka ardhur në Tiranë dhe rrëfen gjithë historinë e Optika1, një kompani shqiptare e drejtuar nga Griseidaq Belshi mori ekskluzivitetin e Karl Zeiss në Tiranë dhe si vendosi të ngrinte dyqanet Zeiss Vision Center në të gjithë botën, të hapte të parin për të gjithë Europën lindore në tiranë. Si ndodhi kjo lidhje? Pse Karl Zeiss është një prej kompanive më të mëdha? Çfraë thotë Zeiss Vision Center që ka ndër pajisjet më të sofistikuara të optikës dhe që vijnë drejtpërdrejt nga Zeiss./opinion.al
