Në emisionin e së enjtes, 6 qershor 2024, u diskutua tema “Çfarë po kërkon opozita me protestë?”, e cila i referohet protestës së zhvilluar po këtë ditë para Parlamentit dhe kaosit në seancë nga deputetët demokratë.
Kjo temë u diskutua në studio në pjesën e parë dhe të dytën. Të ftuarit në studio ishin Armand Shkullaku, Iris Luarasi, Baton Haxhiu, Belind Këlliçi, Agron Shehaj dhe Blendi Klosi.
Pak minuta në fillim të pjesë së parë, në studio ishte edhe gazetari i Tv Klan, Merin Maçi, ky i fundit dha detaje në lidhje me vrasjen e ndodhur në dhërmi, ku bashkëpronar i një hoteli, vrau me armë zjarri recepsionistin dhe më pas i zhduku trupin.
Në pjesën e tretë të emisionit u transmetua intervista për “Opinion” e drejtuesit të “Teleperformace Albania”.
“Teleperformace Albania” është një ndër kompanitë më të mëdha ndërkombëtare e cila operon edhe në Shqipëri. Ajo ofron një gamë të gjerë shërbimesh në rreth 17 gjuhë të botës.
Drejtuesi i saj tregon se ka 16 vite punë me këtë kompani dhe që jeton në Shqipëri. Tashmë ai e konsideron veten thuajse shqiptar, ku tregon se ka aplikuar për të marrë edhe nënshtetësi shqiptare.
