Të hënën, në emisionin “Opinion” ishin të ftuar 6 të rinj që janë angazhuar në politikë dhe ato që nuk janë të përfshirë në partitë politike.
Kuvendi rinor i Partisë Socialiste i cili u zhvillua ditën e martë të javës që kaloi ngjalli mjaft reagime lidhur me faktin nëse janë të rinjtë të aftë të përballojnë peshën e politikës e aktualitetin në vend?
A janë të rinjtë me një lloj qëndrimi i cili përcaktohet kryesisht nga ndjesitë e tyre të brendshme ose analizat e tyre dhe jo nga ndikimi i më të rriturve?
Ky në fakt është një debat i përhershëm sa herë që të rinjtë angazhohen në sferën politike. Lidhur me këtë në emisionin “Opinion” në Tv Klan ngrihet pyetja nëse a munden të rinjtë të ndryshojnë politikën në vendin tonë, i cili diskutohet nga paneli i të ftuarve.
Të ftuar: Françeska Muço, Barbara Doda, Edona Haklaj, Desada Xhetani, Jonas Kepi, Roy Bashaj
Në pjesën e dytë të emisionit “Opinion” një intervistë e Zamira Çoçoli Edwards. Në një kohë të errët të regjimit komunisti, ku dëshira për të kaluar kufirin dhe për të parë botën moderne konsiderohej si tradhti e lartë e atdheut dhe dënohej minimalisht nga 15 vite burg deri në dënim me vdekje. Mbi 3 mijë njerëz humbën jetën në tentativën e tyre për dalë jashtë kufijve të Shqipërisë. Zamira Çoçoli e cila së bashku me motrën dhe vëllain e saj vendosën që një ditë Gushti të 1984 duke kaluar me not nga Saranda në drejtim të Korfuzit. Dy motrat pothuajse pa shenja jete arritën që të gjendeshin nga një jaht italian në ujërat territoriale greke, kurse vëllai i tyre për fat të keq humbi përgjithmonë. Ai nuk arriti dot që të dilte në breg.
Në pjesën e tretë ishte historia e Shaban Doçit dhe Adem Allçit. Shaban Doçi ka gjithashtu një histori të trishtë. Në vitin 1961 tentoi të arratisej nga Shqipëria, arriti të hynte në territorin Jugosllav, por ata e kthyen mbrapa duke i dhënë mbi shpatulla një kalvar të gjatë burgjesh.
Adem Allçi është një tjetër shqiptar që në regjimin komunist tentoi që të arratisej në vitin 1963, por ra në dorën e sigurimit të shtetit./Opinion.al
