Të hënën, më 16 Shtator në emisionin “Opinion, u trajtua tema “A e dëmtuan turizmin çmimet e larta?”.
Turizmi ishte tema kryesore e diskutimit në Shqipëri gjatë këtij sezoni turistik, në atë që quhet piku i sezonit midis Korrikut dhe Gushtit. Pati debate politike lidhur me numrin e turistëve, pati një lloj tensioni në përgjithësi por sidomos në rrjetet sociale dhe mediat online ka patur shumë pikëpyetje lidhur me cilësinë e këtij sezoni. Natyrisht që numri i turistëve nuk ka qenë i vogël, Tirana është dëshmia kryesore, por duket se janë goditur më shumë plazhet e zonës së jugut. Pikëpyetja kryesore ishin çmimet. Një kompani është dukë bërë një analizë të plotë online të të gjitha komenteve që janë dhënë për Shqipërinë nëpër sistemet e qëndrimit, të hoteleve dhe restoranteve, për të parë se cilat janë ankesat kryesore. Duket se nga një analizë e përgjithshme 3 janë problemet kryesore; 1-çmimet e larta, 2-transporti urban dhe 3-mungesa e plazheve publike.
Të ftuar: Alma Çupi, Albana Nanaj, Fjoralba Dizdari, Pjerin Ndreu, Altin Prenga, Artion Vreto, Elvis Kotherja.
Në pjesën e dytë dhe të tretë të emisionit ishte transmetimi i emisionit “31 Minuta”, i cili erdhi me temat:
– Universitetet në zgjedhje pa alternativa!
– Pensionet, kolaps apo reformë?
/Opinion.al
