Emisionet

Opinion/ A do të kthehet djali shqiptar nga Siria?


               Publikuar në : 09:47 - 22/10/19 |
el ida

Mbrëmjen e 21 tetorit në programin “Opinion” u diskutua rasti i vogëlushit shqiptar, Alvin Berisha, i cili ka mbetur në Siri prej vitit 2014.

Rasti i cili ka marrë vëmendje mediatike pasi ndiqet prej kohësh nga emisioni investigativ “Le lene”, e ka zanafillën pesë vite më parë kur e ëma e Alvinit u radikalizua, braktisi bashkëshortin dhe dy vajzat e tjera dhe rrëmbeu të birin për të udhëtuar me të drejt Sirisë.

Gazetari italian i “Le lene”, Osvaldo Verri i cili ka shkuar në Siri me të atin e Alvin, i cili kërkon dëshpirimisht të birin tregon për “Opinion” vështirësinë dhe rreziqet e rrugëtimit, a kishte shqiptarë të tjerë në kamp, dhe pse nuk e morën dot Alvinin për shkak të procedurave që duhen kryer.

A do të kthehet Alvin në shtëpi, si mbërrijnë shqiptarët në Siri, cilat janë arsyet që i cojnë atje, ishin disa nga çështjet e diskutuara nga Artan Hoxha, Ylli Gurra, Fatjona Mejdini, Avenir Peka, Bedri Elezi dhe Etien Xhafaj.

Në pjesën e tretë të programit u shfaq një material për kampionët shqiptarë, Briken Çalja dhe Izmir Smajlaj. Çalja tregon se nuk është shpërblyer për medaljet e fituara, disa prej tyre nuk njihen, ndërsa Smajlaj tregon vështirësitë e stërvitjes, teksa të dy shtojnë se janë të papunësuar dhe të pasiguruar./Opinion.al


Pas