Si rezultat i operacionit anti-drogë të zhvilluar në disa shtete si: Shqipëri, Itali, Mal të Zi dhe Spanjë në kuadër të të cilit janë lëshuar edhe 38 urdhër-arreste mes të cilëve edhe një prokuror dhe zyrtarë të policisë së Shtetit.
Një ndër të arrestuarit është dhe ish-oficeri i policisë në Vlorë, Festim Lelaj, i proceduar edhe në kohën e Tahirit.
Sipas burimeve për mediat ky i fundit është hedhur nga kati i dytë i banesës në momentin që pa policinë që i kishte rrethuar pallatin.
Si pasojë Lelaj pësoi edhe fraktura në këmbë. Mësohet se Lelaj ka dalë nga spitali dhe është nisur në drejtim të Tiranës. Sakaq, edhe të arrestuarit e tjerë janë nisur drejt kryeqytetit.
