Një person tjetër ka rënë të shtunën në prangat e policisë në vijim të operacionit “Mezhgorani. Sipas policisë i ndaluar është 25-vjeçari me inicialet Aristidh Çoli, banues në Këlcyrë, për të cilin Gjykata e Rrethit Gjyqësor Përmet ka caktuar masën e sigurisë “Arrest në burg”, për veprën penale “Organizim i lotarive të palejuara”.
Kështu numri i personave të ndaluar dhe arrestuar në kuadër të këtij operacioni ka mbërritur në 36, ndërsa te proceduar në total janë 53 persona. Mes tyre gjendet edhe botuesi Henri Çili, për të cilin tashmë janë ngritur një sërë akuzash.
Të ndaluarve u janë sekuestruar 3 pushkë automatike me silenciator, 2 kallashnikov, 10 kallëpe tritol, 620 fishekë, 2 granata difensive, 71 krehër fishekësh, 20 automjete te markave të ndryshme, 40 telefona celular, dokumente noteriale, kontrata, certifikata pronësie të ndryshme, rreth 130 kg kanabis, shuma prej 10 milion lekësh, 7500 euro, si dhe 3500 euro të dyshuara të falsifikuara
Sipas policisë këto ndalime kanë ardhur pas një hetimi 6-mujor, ndërsa policia bën me dije se vijon puna për kapjen e shtetasve të tjerë të shpallur në kërkim në kuadër të këtij operacioni./ Opinion.al
