-Jetë dhe Stil

Birra “Corona” humbet 170 milionë dollarë pas shfaqjes së koronavirusit  


Bëhu pjesë e Grupit Zyrtar të Opinion.al
>> KËTU <<
               Publikuar në : 22:18 - 29/02/20 |
Opi Nion

Koronavirusi i ri i ka kushtuar rreth 170 milionë dollarë kompanisë “Anheuser-Busch InBev”, që prodhon birrën e famshme “Corona”. Vetëm në 2 muajt e para të vitit 2020, kompania raporton humbjet më të mëdha të 10-vjeçarit, në Kinë, ku në fakt kjo markë kishte edhe tregun më të madh, duke u renditur e para në listën e birrave të importuara.

Por, pavarësisht ngjashmërisë së emrit me virusin Covic-19, Drejtori I Përgjithshëm i kompanisë tha për mediat amerikane se rënia e shitjeve ka ardhur për shkak se njerëzit nuk kanë dalë më në publik, për të festuar.

CNN raporton se në sondazhin e realizuar nga “5W Public Relations”, 38% e amerikanëve kanë thënë se nuk do të blinin kurrë një “Corona” për shkak të përhapjes së koronavirusit, ndërsa 14% të tjerë kanë thënë se nuk do ta porosisnin kurrë në publik.

Sipas “USA Today”, në Shtetet e Bashkuara të Amerikës, kërkimet me fjalët: “Corona beer virus” dhe “beer virus” apo kërkime të tjera të ngjashme u rritën me 1050 përqind./Opinion.al

Pas