Ekipi kombëtar i femrave të Suedisë, ka arritur të kualifikohet për në gjysmëfinale të Lojërave Olimpike në futboll. Suedia që në ekip ka edhe një kosovare, Kosovare Asllanin, ka arritur të eliminojë Shtetet e Bashkuara të Amerikës, pas ekzekutimit të penalltive, shkruan albinfo.ch.
Koha e rregullt e ndeshjes përfundoi me rezultat 1:1. Pas penalltive, Suedia fitoi 3:4, dhe njërin nga golat nga pika e bardhë, e shënoi edhe Kosovare Asllani. Ndërkohë, në ekipin e meshkujve Suedia kishte dy futbollistë nga Kosova, Astrit Ajdareviq dhe Valmir Berisha, por që u eliminuan.
Madje, Ajdareviq bëri bujë në Suedi, pasi nuk e këndoi himnin kombëtar. Astrit deklaroi se është nga Kosova dhe respekton familjen e tij.
