Kryeministri Edi Rama ka mbajtur fjalën e tij në Asamblenë e Kombeve të Bashkuara, ku ndër të tjera është shprehur se të gjitha vendet duhet ta njohin pavarësinë e Kosovës.
Rama i është drejtuar Serbisë duke thënë se Kosova është një realitet i pamohueshëm dhe se vendet e rajonit duhet të krijojnë ura bashkëpunimi me njëra-tjetrën
Po ashtu, Rama tha se Kosovës t’i jepet mundësia që të bëhet pjese e të gjitha organizatave rajonale dhe ndërkombëtare ku çdo vend sovran i botës ka të drejtë të bëhet pjesë.
Rama tha se është padrejtësi që qytetarët e Kosovës duhet të lëvizin pa viza. Është e padrejtë që 2 milionë njerëz që kanë luftuar kaq shumë të jenë të izoluar. E dashur BE, ndaloje këtë, tha Rama.
“Shën Tereza është simboli më i lartë ynë kombëtar. Ajo ishte bija jonë. Është angazhimi ndaj së mirës universale që duhet të na bashkojë kundër së keqes. Shqipëria nuk e fsheh ambicies e saj për të qenë anëtare jo e përhershme në Këshillin e Kombeve të Bashkuara. Ju bëj thirrje të gjithëve këtu për të mbajtur shënime për ta pasur Shqipërinë në listë. Rajoni ballkanik është përballur me diktaturën komuniste dhe me luftërat e përgjakshme. Me një sërë mosmarrëveshjes që vazhdojnë, Shqipëria ka kremtuar Marrëveshjen e Prespës për çështjen e emrit të Maqedonisë së Veriut. Shqipëria u angazhua për ta bërë të mundur këtë gjë. Shqipëria ka mbajtur rol kryesor në bashkëpunimin rajonal. Republika e Kosovës e ka provuar veten si partnere e besueshme në rajon. Ka ardhur koha që miqtë tanë serbë të njohin pavarësinë e Kosovës, për t’i dhënë hakun historisë. E dashur Serbi, Kosova e pavarur është një realitet. Bëni histori për veten tuaj dhe më gjerë. Është e rëndësishme që Kosovës t’i jepet mundësia të bëhet pjesë e të gjitha organizatave ndërkombëtare, siç bëhen të gjitha shtetet e globit. Unë shpresoj e besoj se Ballkani Perëndimor të shkëputet nga e kaluara dhe të zhvillohet më tej”, tha Rama./ Opinion.al E.Xh.
