Nëse lufta në Gaza ndalet tani, sipas vlerësimeve të OKB-së, do të duhej ende deri në vitin 2040 për të rindërtuar të gjitha shtëpitë e shkatërruara nga bombardimet dhe ofensivat tokësore të Izraelit.
“Çdo ditë që kjo luftë vazhdon po kërkon kosto të mëdha dhe të ndërlikuara për Gazanët dhe të gjithë Palestinezët”, tha Administratori i Programit të Zhvillimit të OKB-së, Achim Steiner, shkruan Al Jazeera.
Të paktën 370,000 njësi banimi në Gaza janë dëmtuar, duke përfshirë 79,000 të shkatërruara plotësisht, sipas një raporti të ri nga UNDP dhe Komisioni Ekonomik dhe Social për Azinë Perëndimore.
Pas luftërave të mëparshme në Gaza, banesat u rindërtuan me një normë prej 992 njësi në vit. Edhe nëse Izraeli lejon pesëfishimin e materialit ndërtimor për të hyrë në Gaza, do të duhej deri në vitin 2040 për të rindërtuar shtëpitë e shkatërruara, pa riparuar ato të dëmtuara, thuhet në raport.
