Është identifikuar efektivi i policisë që i dha fund jetës sot duke u vetëvrarë me armën e shërbimit. Ai është Kastriot Fafaj me detyrë oficer i Patrullës për Rendin dhe Sigurinë në Komisariatin e Fierit.
Viktima është nga Semani i Fierit, i martuar dhe baba i dy fëmijeve. Ngjarja e rëndë ndodhi mëgjesin e sotëm, ku polici ka vrarë veten me armën e shërbimit në ambientet e komisariatit. Sakaq, ende nuk bëhen të ditura shkaqet që e çuan atë drejt aktit fatal të vetëvrasjes.
Njoftimi i policisë së Fierit:
Në datën 24.04.2018, pasi ka mbaruar shërbimin, ka vrarë veten me armën e shërbimit Oficeri i Patrullës së Përgjithshme të Rendit, shtetasi K.F, 46 vjeç, banues në fshatin Seman, Fier. Grupi hetimor po punon për zbardhjen e plotë të ngjarjes.
/Opinion.al
