Nëse femrat do të drejtonin çdo vend në botë do të kishte një përmirësim të përgjithshëm të standarteve të jetesës dhe rezultateve, tha ish presidenti amerikan, Barak Obama.
“Jam plotësisht i sigurt se për dy vjet, nëse çdo vend në botë do të udhëhiqej nga gratë, ju do të shihnit përmirësim të konsiderueshëm në pothuajse çdo gjë”, tha Obama.
Teksa fliste në një event privat mbi lidershipin në Singapor, Obama tha se femrat nuk janë perfekte por janë pa diskutim më të mira se burrat, teksa shtoi se pjesa më e madhe e problemeve në botë vijnë nga të moshuarit, kryesisht meshkuj që mbajnë pozicione pushteti.
“Ju nuk jeni perfekte, por mund të them me plot bindje se jeni më mirë se ne, meshkujt”, u shpreh ai.
Obama foli gjithashtu edhe për polarizimin politik dhe përdorimin e medias sociale për të përhapur lajme të rreme., Obama tha se ndërsa ishte në detyrë ai ishte frymëzuar nga imagjinimi i një bote të drejtuar nga femrat.
Barak Obama ka shërbyer si president nga 2009 deri në 2017, ndërsa që nga largimi prej shtëpisë së bardhë, ai dhe ish zonja e parë, Michelle Obama kanë ngritur një fondacion për liderët e rinj në botë./Opinion.al
