Deputeti i Partisë Socialiste Erion Braçe ka fyer rëndë, tifozët dhe skuadrën e Interit. Tifoz i hershëm i Juventusit, Braçe nuk e ka kapërdirë dot banderolën e vendosur dje nga tifozët interistë në stadiumin “Giusepe Meazza” ku shkruhej “Kosova është Serbi”, aq sa e ka pasur të vështirë të përmbahet. Ca i ekzaltuar nga ngjitja e Juves në krye të rënditjes, ca edhe i inatosur për banderolën e interistëve, Braçe ua ka shfryrë inatin nëpërmjet një statusi në profilin e tij në fb, ku deputeti i Parlamentit shqiptar shkruan:
“Të kthyer nga hiri për t’i mundur të gjithë me radhë! Dominim total, këtë herë me durimin e pafund taktik të vetëm një goli, vetëm një, pranë fundit, dhe pa mundësinë e rikuperimit.
Pjekuri, fitohet edhe kështu. Pikërisht për këtë bëri diferencën një SuperBarzagli e nje superEvra. Markizio, siguresa plus. Fitore pas fitoresh, qetësisht, vendosmërisht, me radhë, hakmarrja po kryhet; Ç’na morën, po ua marrim një për një, për të kapur kreun! Aaaaa po, Dybala, arsye pse e majta më pëlqen pa fund! Radha? Tani ekipi që e di Kosovën në Serbi, Ambroziana që pallohet lehtësisht.”
