Procesi i numërimit është drejt përfundimit, ndërsa në Korçë dhe Dibër ka përfunduar dhe në shumë qarqe të tjera janë në kutitë e fundit.
Ndërsa janë numëruar 4742 kuti nga 5362 në të gjithë vendin, Partia Socialiste është shumë pranë një fitoreje historike që do t’i jepte mundësinë që të qeverisë e vetme në 4 vitet e ardhshme.
5 janë partitë që duket se do të kenë edhe përfaqësuesit e tyre në Parlamentin e ardhshëm, ku surprizë ka bërë Tom Doshi me PSD-në në Shkodër.
Edhe përse kanë mbetur edhe 620 kuti për t’u numëruar, Partia Socialiste duket se ka garantuar 74 mandate.
Rezultati i deritanishëm, teksa janë numëruar 90 % të kutive:
PS: 666,425vota ose 48.23% — 73 mandate
PD: 397,369vota ose 28.76% — 43 mandate
LSI: 199,311vota ose 14.43% — 19 mandate
PDIU: 64,935 vota ose 4.7% — 3 mandate
PSD: 12,451 vota ose 0.9% — 1 mandat
