Ka rënë në prangat e policisë së Krujës nën akuzën e “Shpërdorimit të detyrës” dhe “Moskallzim krimi” roja 51-vjeçar i Postës së Krujës.
Sipas njoftimit të policisë roja private, 51-vjecari me iniciale B.P, banues në Durrës nuk ka njoftuar lidhur me grabitjen e ndodhur në orët e para të mëngjesit të sotëm në postën e Krujës, ku është vjedhur me thyerje kasaforta.
Autorët e kësaj vjedhje kanë mundur të marrin një sasi lekësh dhe një sasi valute dhe më pas janë larguar.
Pas kësaj ngjarje 51-vjeçari, i cili ishte në dijeni të grabitjes, nuk ka lajmëruar forcat e policisë, as në momentin kur patrulla ka kaluar dhe e ka pyetur nëse kishte ndonjë problem tek posta, me pretendimin se është kërcënuar nga autorët.
Gjithashtu është shpallur në kërkim me akuzën e “Shpërdorimit të detyrës” edhe specialisti i sallës së SHPSF-ve një 28-vjecar me iniciale S.T,banues në Tiranë, i cili gjithashtu nuk ka njoftuar policinë pas grabitjes.
Njoftimi i policisë:
Krujë
Nga specialistët për parandalimin dhe hetimin e krimit në Komisariatin e Policisë Krujë u bë arrestimi në flagrancë për veprat penale “Moskallzim krimi” dhe “Shpërdorim detyre”, i shtetasit: – B. P., 51 vjeç, banues në Durrës (me detyrë roje private pranë postës së Krujës).
Gjatë orëve të para të mëngjesit të ditës së sotme është vjedhur me thyerje kasaforta e postës së Krujës, ku autorët kanë marrë një sasi lekësh dhe një sasi valute dhe më pas janë larguar. Roja private, shtetasi B. P., pas marrjes djeni për ngjarjen nuk ka kryer sipas detyrimeve ligjore njoftimin e shërbimeve të Komisariatit të Policisë Krujë, as në momentin kur patrulla e policisë ka kaluar dhe e ka pyetur nëse kishte ndonjë problem tek posta, me pretendimin se është kërcënuar nga autorët.
Gjithashtu është shpallur në kërkim për “Shpërdorim detyre” dhe specialisti i sallës së SHPSF-ve, shtetasit S. T., 28 vjeç, banues në Tiranë, pasi dyshohet se ka shpërdoruar detyrën duke mos njoftuar Policinë e Shtetit.
Një grup i posaçëm hetimor i përbërë nga specialistë për hetimin e vjedhjeve me dhunë dhe krimeve kundër pasurisë, po punon intensivisht për identifikimin dhe kapjen e autorëve dhe materialet i janë referuar Prokurorisë pranë Gjykatës së Shkallës Krujë për veprën penale “Vjedhje me dhunë e kryer në bashkëpunim”./Opinion.al/
