Selia Botërore e Bektashinjve mirëpret shpalljen e nismës për krijimin e Urdhrit Bektashi si një entitet plotësisht sovran. Sipas Selisë Botërore e Bektashinjve, kjo gjë do të sjellë një epokë të re për tolerancën fetare globale dhe promovimin e paqes.
Kjo nismë synon të njohë Urdhrin Bektashi si një shtet të pavarur, vetëqeverisës i përkushtuar për të mbështetur traditën e tij shekullore të moderimit dhe përfshirjes shpirtërore.
Urdhri Bektashi do të fitojë sovranitet të ngjashëm me Vatikanin, duke e lejuar atë të qeverisë në mënyrë autonome çështjet fetare dhe administrative. Kjo lëvizje do të sigurojë mbrojtjen dhe pavarësinë e praktikave fetare të Urdhrit Bektashi.
Ky sovranitet do të krijojë një platformë që Urdhri të përhapë mesazhin e tij të paqes dhe tolerancës në mënyrë më efektive, duke shërbyer si një zë global për Islamin e moderuar.
“Kjo nismë nuk ka të bëjë me vetëvendosjen; as nuk po kërkojmë ndikim apo pushtet politik. Në vend të kësaj, ne po kërkojmë lirinë për të vazhduar traditën tonë shekullore të moderimit shpirtëror dhe përfshirjes fetare”, theksoi Kryegjyshi.
Si ent shpirtëror, shtetësia në shtetin e ri sovran të Urdhrit Bektashi do të kufizohet vetëm tek anëtarët e klerit dhe individët e angazhuar në administrimin e shtetit. Qeverisja e shtetit do të udhëhiqet nga udhëheqja shpirtërore e Urdhrit, me Kryegjyshin (Dedebaba) dhe një këshill që do të mbikëqyrë funksionet fetare dhe administrative.
“Shteti i ri” nuk do të ketë asnjë synim tjetër veç udhëheqjes shpirtërore.
