Pasi SPAK dha pretencën dhe kërkoi 2 vite e 6 muaj burg për kreyebashkiakun e zgjedhur të Himarës Fredi Belerin, avokati i këtij të fundit e konsideron të turpshme kërkesën e Prokurorisë së Posaçme.
Në një deklaratë për mediat, ai u shpreh se nuk ka asnjë provë që e provon të fajshëm Belerin ndërsa shtoi se akuza ndaj tij është e ndërtuar shumë si një fabul mbi dëshminë e dy vëllezërve të dy të dënuar.
“Nuk ka një fotot të tyre të Hasan Ramës, jo më Belerit, është e ndërtuar shumë keq si fabul, e turpshme, e pritshme, gjykata është në vëmendje e prokurorisë, çfarë flet prokuroria. E tërhoqi procesin, rrëzoi të gjitha kërkesat, pasi administroi dëshmitë e rreme të Abdyl Ramës. Do të kishin një foto të Arsenit, jo më Belerit. I gjithë procesi është mbi dëshminë e dy vëllezërve të dy të dënuar”-tha avokati.
SPAK tha se kërkoi dy vjet e gjashtë muaj burg për Belerin bazuar në prova, duke pasur parasysh se vepra e korrupsionit në zgjedhje dënohet nga 1 deri në 5 vite, tha Prokurori, si dhe fakti që Beleri është kandidat i zgjedhur, dhe që nuk është penduar.
