Në takimin e zhvilluar me gazetarët, kreu i SPAK, Altin Dumani për shtimin e numrit të agjentëve të BKH.
Ai tha se duhet të rritet numri i hetuesve, pasi disa prej tyre janë të angazhuar në qendrën e përgjimeve.
“Kemi kërkuar rritje të numrit të hetuesve. Me numrin 20 të prokuroreve jemi ok tashmë. Na duhet të rritet numri i hetuesve. E kam theksuar se është e domosdoshme, pasi ndonëse numri aktual, 60, mund të duket shume, nuk janë shumë. Kjo për faktin se disa prej tyre janë të angazhuar në qendrën e përgjimeve, kështu që vetëm një pjese i mbetet kryerja e veprimeve proceduriale. Ndërkohë jemi pranë ngritjes edhe të një grupi për përgjimet parandaluese, kështu që është i nevojshëm shtimi i tyre. Do të jemi realistë në kërkesat tona”, tha ai.
Ndër të tjera, Dumani mohoi ekzistencën e ndonjë përplasjeje apo ngërçi mes BKH dhe SPAK.
”Nuk ka asnjë përplasje mes nesh. Ka bashkëpunim shumë produktiv”, shtoi ai.
