Saimir Tahiri u kthye sot në parlament pas një mungese 6-mujore në limitet kohore për të mos djegur mandatin. Ai nuk mbajti një fjalim edhe pse kishte regjistruar emrin për të folur për ligjin e prokurorisë. Pasi ka qendruar për afro një orë në sallën e parlamentit dhe ka takuar e përqafuar disa prej deputeteve e ministrave të mazhorancës, ka dalë prej sallës duke bërë një deklaratë tejet të fortë:
“Nuk më pengon askush të bëj drejtësi, nuk ka burrë nënë e bir kurve që të më pengoj të bej drejtësi”, tha Tahiri, porsa gazetarët i përmenden emrin e Edi Ramës.
Por kjo nuk është shprehje e panjohur. I vetmi politikan që e ka përdorur këtë kërcënim ka qenë Edi Rama kur drejtonte Bashkinë e Tiranës dhe ishte në llavën përcëlluese të opozitës së Sali Berishës nën akuzë për korrupsion. “Nuk ka burrë nënë dhe bir kurve të fusë duart në xhepat e mi”, shprehej në vitin 2010, Edi Rama.
Sot shtrohet pyetja kë po kërcënon Saimir Tahiri, pikërisht me fjalët e Edi Ramës?!
/Opinion.al
Video: Dëgjoni kercenimin e Ramës në minutën e 3-të.
Video: Kërcënimi i Samir Tahirit sot
