Djali i Fredi Belerit ka reaguar pas vizitës së kryeministrit Edi Rama në Athinë dhe deklaratat, që ai ka bërë ndaj babait të tij.
Në një reagim për Skai.tv, ai tha se Rama pati një gol të dyfishtë me grumbullimin që bëri në Athinë.
“Zgjedhja e datës konkrete besoj qartë se ka qenë sfidë, ka dashur të provokojë dhe të përgjigjet për kandidaturën e Belerit”, theksoi ai.
“Nuk mund të konsiderohet rastësi që pikërisht në të njëjtën ditë të vitit të kaluar, ky program u bë ndaj një kryetari të atëhershëm kandidat, pastaj kryetarit të zgjedhur dhe që nga ajo kohë një komuniteti të tërë himariotësh që as sot nuk e ka parë demokracinë në efekt në vendin e tij.
Nga ana tjetër ai donte të terrorizonte minoritetin etnik grek që jetonte në Shqipëri. Besoj se ai dëshiron të mbledhë rrethin e tij të ngushtë dhe të dërgojë një mesazh terrori për pjesën tjetër të grekëve që kanë mbetur pas”, tha Beleri.
Ai tha se Ramën e shqetëson fakti që Greqia sillet në kushtet e shtetit ligjor dhe që humbi zgjedhjet në Himarë.
“Nëse kemi sukses dhe Fredi Beleri zgjidhet, do të ketë një eurodeputet të zgjedhur që i përket Partisë Popullore Evropiane, i përket ND-së, në Greqi, ai është anëtar i minoritetit etnik grek, ai do t’i nxjerrë në pah këto problemet që ekzistojnë në Shqipëri, sado që dikush të përpiqet t’i fshehë.
Kryeministrin shqiptar e shqetëson fakti që Greqia sillet në kushtet e shtetit ligjor, e shqetëson që Greqia po sillet institucionalisht, e shqetëson që Greqia sillet në mënyrë demokratike, e shqetëson që humbi zgjedhjet në Himarë”, shtoi ai.
