Pas hedhjes në shatërvanin antik të qytetit, presidenti i Romës James Pallotta ka vendosur që të dhurojë 230 mijë euro për të restauruar shatërvanin e Panteonit.
Kryebashkiakja e Romës Virginia Raggi ka falenderuar presidentin për shumën e dhuruar dhe për këtë restaurim që do ti bëhet shatërvanit.
“Falënderojmë presidentin Pallotta për bujarinë e tij. Pas hedhjes së djeshme, ai vendosi që të kryejë një gjest mjaft bujar për qytetin. Ai do të dhurojë 230 mijë euro për të restauruar shatërvanin e Panteonit. E falënderojmë për këtë gjest të bukur” shprehet kryebashkiakja.
Por ndërkohë Pallotta foli edhe mbi kualifikimin në Champions League.
“Isha shumë i lumtur. Kur shorti na përballi me Barcelonën, mendova se ishte një zgjedhje e madhe për ne. E dija se shumica e njerëzve në botë mendonin se do të humbnim, kështu që nuk kishim asgjë për të humbur dhe ndjeva që kishim një shans të madh.
Ekipi ka luajtur 94 minuta dhe një loje të pabesueshme, nuk ishte faktor fati. Kështu që nuk më intereson më kë do të përballemi, mendoj se mund të luajmë kundër të gjithëve. Është një udhëtim i pabesueshëm” ka deklaruar Pallotta për mediat italiane.
Roma u kualifikua për në fazën gjysmëfinale të Champions League duke s’kualifikuar Barcelonën.
