Në një bashkëbisedim me gazetarët, kreu i PD Sali Berisha ka treguar se pse nuk mori pjesë në votimin e rezolutës kundër Dick Martyt.
Nga selia blu, ai tha se nuk kishte marrë pjesë në votimin e rezolutës për arsye pune.
Berisha u shpreh se edhe pse nuk ishte pjesë e votimit, ai e kishte deklaruar votën e tij pro nga foltorja e Kuvendit.
“Për një arsye pune nuk mund të isha, por deklarova votën pro në foltoren e Parlamentit. Kjo është më e rëndësishmja për pozicionin që unë kam. Ishte e vendosur që ne si deputetë ta votojmë rezolutën dhe këtë e deklarova. Obligime të tjera nuk më lejuan të isha i pranishëm në momentin që u votua. Nuk mund të ishte ndryshe. Unë e kam denoncuar raportin e Dick Marty në 24 shtator 2011”,-tha Berisha.
