TIRANË- Dëshira e zjarrtë për të bërë seks me ish-të fejuarën i ka kushtuar shumë një 33 vjeçari nga Tirana i cili u dënua me 5 muaj burgim. Në dosjen e prokurorisë për të thuhet se shtetasi Julian C. kishte pasur një histori dashurie me vajzën dhe më pas janë fejuar… por më vonë ata janë ndarë.
Më datë 1 korrik të 2015 rreth orës 9 të mëngjesit ka hyrë pa paralajmërim në banesën e shtetases J.S. Kjo e fundit ka qënë në shtëpinë e saj duke fjetur dhe ka dëgjuar kërcitjen e derës së dhomës së gjumit. Vajza është zgjuar e trembur dhe shikon që në dhomën e gjumit të saj kishte hyrë ish i fejuari i saj Julian C. E ka pyetur se çfarë kërkonte dhe i ka kërkuar të dalë jashtë, por ai i ka hyrë në krevat ku dhe i tha se nuk del nga shtëpia pa kryer marrëdhënie seksuale me të.
Ajo e ka kundërshtuar me forcë duke e çjerrur nga fytyra dhe në një momet është shkëputur nga ai dhe ka marrë një thikë në dorë, duke i thënë se do ta qëllonte, ndaj të dilte nga shtëpia, por ai nuk pranonte duke i thënë se: “…po deshe më qëllo se unë nuk dal pa bërë seks me ty…”. Pas denoncimit të vajzës, 33 vjeçari është proceduar dhe dënuar nga gjykata e Tiranës.
