Kreu i PD, Sali Berisha, në konferencën e përjavshme për mediat ka folur edhe për nismën e socialistëve për projektligjin që parashikon lënien jashtë Kuvendit të personave të shpallur non grata, si në rastin e tij.
Berisha tha se nëse mazhoranca do të bëjë një ligj anti Berishë, vrulli dhe hovi do të rritet.
“Në një tekst që kam parë unë nuk ekziston por i ftoj ta bëjnë. Ka standarte evropiane të qarta, ka rezoluta për për të gjitha këto, nëse do bëjnë një ligj anti Berishë, të provojnë, i siguroj se vrulli dhe hovi vetëm do të rritet. Në draftin e tyre që më kanë sjellë bashkëpunëtorët e mi ata kanë lustracionin”, tha Berisha.
