Të afërmit besojnë se të vdekurit duhet të largohen në mënyrën më të mirë të mundshme. Ndaj funeralet në Gana janë çështje të sofistikuara.
Duke qenë se burimi kryesor i të ardhurave në këtë zonë është bima e kakaos, shumë fermerë kërkojnë që të varrosen në arkivolë që kanë formën e lëvozhgës së frutit të kakaos.
Dhe këta arkivolë kushtojnë jo pak. Por pothuajse 1000 dollarë, një shifër tepër e lartë për fermerët që fitojnë rreth 3 dollarë në ditë.
Por të varrosesh me një arkivol artistik është aq e rëndësishme, sa ndodh shpesh që të afërmit bashkojnë paratë për ta varrosur dikë siç duhet.
Format që përzgjidhen kanë dhe nënkuptime të tjera. Ata që varrosen me arkivol në formën e një speci djegës, për shembull, tregojnë që kanë qenë persona me karakter të fortë. Një formë e famshme është ajo e makinave Mercedes Benz, që tregon shtresën e lartë të personit.
Mes të preferuarve janë arkivolët në formë avioni. Ky arkivol bëhet për një pronar shtëpish. Ai i ndërtonte dhe i jepte me qira, me çmim të lirë, ndaj ishte i respektuar nga banorët.
Porositë bëhen edhe nga vende të ndryshme të botës, si Rusi, SHBA e Danimarkë. Zdrukthëtarët vendas punojnë kryesisht me dorë, me mjete të thjeshta pune.
